今朝好累...加上又落雨，所以搭的士返工...不過呢排都多左搭的士返工....

我諗都要早啲起身，唔係咁搭落去真係會破產～～～～今日好大頭蝦，落車個陣漏左把傘係車度...可能因為落車個陣冇雨，所以就咁大意啦...

今朝早會既時候冇咩精神，因為對眼有啲累，我竟然連祈禱既時間都訓著左...好在結束既時候醒得切...唔係就....笑死人都似....

因為打算今日開始減肥，所以早餐食少左野，下午又食返多啲，夜晚又冇咩點食到...嗯...今日都冇咩ot，可能個人有啲累，加上啲野又成日要改，呢排趕緊出啲獎座，主要其實都係出三款，但幾十個，內容又改左好多次，仲有其他野整...好似...禮物、招待既野、一啲powerpoint、遊戲...都仲有仲有...其實真係好多野搞.....不過聽日開始又開始出通訊，呢兩日都唔會得閒做到自己野...哈哈～～聽日又同啲義工婆婆食飯啦，都好耐冇見過佢地啦～～我諗黎緊呢兩個禮拜都會好忙....

講起黎緊週年晚宴，我要獻花丫，我未試過獻花～～我其實好擔心會....係個台度仆低或者會kick襯...唔知點解會擔心呢啲野...其實我唔怕上台...但如果仆襯或者kick襯我覺得好瘀好肉酸，哈哈～～～～

今日早左少少返屋企，係屋企睇欺詐獵人，好似都幾好睇，佢唔係好多集...好耐都冇追過咩劇集既野，但見電影既簡介又幾有趣，所以都上網睇下～～～有興趣大家都可以睇下～～～

http://www.tom365.com/movie_2004/mlist/8_12.html

都幾順架～～dl埋佢個software真係好順好似睇碟咁～～呢個網用黎打發下時間我覺得都幾唔錯，有時唔想出街，想係房度休息下，開住冷氣係床度睇都幾舒服既.....